Riot Games foi fundada en 2006 por Brandon Beck e Marc Merrill coa intención de cambiar a forma en que se crean videoxogos para os xogadores. En 2009, lanzamos o noso primeiro xogo recoñecido mundialmente, League of Legends. O xogo converteuse no xogo para PC máis xogado no mundo e un factor crave do crecemento explosivo dos esports. Os xogadores son a base da nosa comunidade e grazas a eles continuamos evolucionando e mellorando a experiencia de League of Legends. A sede de Riot Games atópase en Los Ángeles, California, e conta con 23 oficinas máis por todo o mundo.
Os nosos valores son o noso compás; guíannos ata quen queremos ser. Cara a eles miramos en busca de axuda cando non alcanzamos os nosos obxectivos, e a través deles avaliamos cada decisión que tomamos.
En 2012 redactamos un manifesto: unha declaración sobre quen criamos que eramos, unha nova empresa ao comezo da súa andaina. Fóronnos de gran axuda durante moitos anos, pero non evolucionaron connosco. Agora, necesitamos valores que representen quen queremos ser no
próximo capítulo.
A continuación, atoparedes os nosos valores actualizados. Falamos con máis de 1700 empregados de Riot e preguntámoslles como debemos ser para cumprir o noso compromiso cos xogadores. Co obxectivo de facer destes valores unha realidade, prometemos institucionalizalos en Riot e facer que formen parte do día a día de todos os empregados:
Seguiremos investindo constantemente en fomentar unha contorna onde cada empregado poida crecer e alcanzar o seu máximo potencial.
Esforzarémonos para que os procesos sexan xustos e equitativos, e para que os empregados poidan confiar neles.
Os nosos líderes cumprirán cos valores e promoveranos de forma activa entre os seus equipos.
Queremos que Riot sexa o mellor lugar de traballo para os máis apaixonados e comprometidos coa nosa misión.
Fonte: https://www.riotgames.com/es/quienes-somos/valores
No hay comentarios:
Publicar un comentario