Aprendizaxe

 A aprendizaxe é o proceso a través do cal se modifican e adquiren habilidades, destrezas, coñecementos, condutas e valores1​. Isto como resultado do estudo, a experiencia, a instrución, o razoamento e a observación. Este proceso pode ser analizado desde distintas perspectivas, polo que existen distintas teorías da aprendizaxe. É unha das funcións mentais máis importantes en humanos, animais e sistemas artificiais. Nel interveñen diversos factores que van desde o medio no cal se desenvolve o ser humano, así como os valores e principios que se aprenden na familia. Nesta última establécense os principios da aprendizaxe de todo individuo e afiánzase o coñecemento recibido, o cal forma a base para aprendizaxes posteriores.